SI CALLIE, ANG HANTATAWO SA PASKO
Sa kanhiay nga panahon, sa lugar nga gitawag nga Bethlehem, adunay hantatawo (caterpillar) nga ginganlang Callie. Maayo siya nga hantatawo nga naningkamot nga molikay sa kasamok. Apan lisud kini sa iyaha, tungod kanunay siya makapili ug dili maayong butang.
Usa ka adlaw, samtang nagapangita og pagkaon, ang bata nga hantatawo ningdesisyon nga mosaka sa ibabaw sa usa ka bungtod. Pag-abot niya sa ibabaw, nakakita siya og dagkong kweba nga nakapalibot ug daghang mga bato. Naghinam-hinam siya sa pagsuhid niini. Dili siya sigurado kon maayo nga ideya ang pagsulod sa ngitngit nga kweba, apan ningsulod gihapon siya.
Pagsulod niya sa kweba, si Callie nakasinati ug sobra nga kabugnaw ug sobra nga kamingaw. Nanerbyos siya tungod wala pa siya nakaadto sa lugar nga pagkangitngit ug pagkamingaw kaniadto. Dayon, ningdesisyon siya nga molingon ug mobalik pagawas. Apan ikasubo, ang gagmay nga hantatawo nahagbong sa pipila ka bato, unya dili na niya mahinunduman kung asa ang dalan pagawas. Paingon ba siya sa wala o sa tuo? Wala na nakabalo si Callie!
Human mawala sa kweba sa maingon pa nga dugay nga panahon, nakahunahuna si Callie nga dili na niya kaya nga makagawas. Nawala na siya sa kangitngit, ug nagasulti na siya sa iyang kaugalingon, “Nangandoy unta ko nga wala na nako nasudlan kining pagkahadlok nga kweba.” Nahadlok si Callie tungod dili na siya kabalo unsaon mogawas.
Mawad-an na unta si Callie ug paglaun tungod walay kinsa man ang makapangita kaniya. Kining taknaa, nakadungog siya og tingog sa mga asno, mga baka, ug mga karnero. Kining mga tingog nakapalipay kaniya tungod dili na siya nag-inusara.
Usa ka bugnaw ug hanginon nga gabii kaniadto sa Bethlehem, mao ang mga pastol ningdesisyon na dal-on ang ilahang mga mananap sulod sa kweba aron matulog. Pagsulod sa mga lalake hawak ang ilahang mga kandila, matan-aw ni Callie nga dagko diay ang kweba. Sa dagkong luna, gitapok sa mga pastol ang mga giugang damo aron mamahimong nindot nga higdaanan alang sa mga mananap. Sama sa ubang mananap, nahimong katulogon ang hantatawo human sa tag-as nga adlaw. Unya, tanan nakatulog na.
Pagka-buntag, ang mga pastol gipukaw ang mga mananap ug paspas nga ninggawas sa kweba. Sa takna nga nakamata si Callie, nawala na sila. Sayo ninggawas ang mga mananap ug mga pastol aron mabati nila ang kainit sa kabuntagon. “Unsa akong buhaton karon?”, ingon ni Callie. Nabati niya nga mag-inusara gihapon siya kining luna tibuok adlaw.
Unya, ning-uli ang mga lalake aron mapabalay ang mga mananap gawas sa bugnaw nga gabii. Nakabati og maayo si Callie tungod naa siya makauban kaniya, apan ninghilak siya tungod dili siya makagawas sa dagkong kweba. Bisan pa aduna siya kauban nga mananap, mubo ra ang iyang mga tiil aron makasunod sa mga tawo ug mga mananap gawas sa kangitngit.
Samtang nagsubo siya, adunay nahitabo. Usa ka lalake nga gingalang Jose ang nakasulod sa kweba. Nag-andam siya ug higdaanan gama sa giugang damo, apan dili kini sa usa ka mananap. Kining higdaanan alang kini sa iyang asawa nga si Maria, nga kinahanglan nga makahigda aron makapanganak siya.
Ningtan-aw ang hantatawo kang Maria samtang gigukos niya ang iyahang anak nga lalaki nga gipangalan niya na si Hesus. Puno og kahayag og gugma ang bata. Sa pagtan-aw ni Callie kang Hesus, wala na niya nabati ang pag-inusara o kahadlok nga gibati niya kaniadto.
Maong gabii, uban pang pastol ang nisulod sa kweba ug gikantahan ang batang Hesus. Ang kweba nga kaniadto’y ngitngit, karon napuno sa kahayag nga nakapalipay ug nakapalinaw sa tanan. Unya, tulo ka haring mago, nga gisunod ang hayag nga bitoon, ang naghatag og regalo nga Pamasko sa batang Hesus. Gihatagan siya og bulawan, incense ug mirra.
Puno sa kahibulongan si Callie tungod sa bata nga naghatag ug dagkong kalipay sa tanang ningbisita kaniya. Apan naguol siya tungod wala siyay mahatag nga regalo sa batang Hesus. Ingon siya, “Usa ra ko ka hantatawo nga nawala sulod sa kweba, unsang regalo ang akong mahatag sa bata nga naghatag sa akoa og kahayag?” Gihunahuna, gihunahuna, ug gihunahuna pa niya.
“Kabalo na ko!” ingon ni Callie. Nahinaman siya sa regalo iyang mahatag kang Hesus. Nagdesisyon siya nga ipabalot iyang kaugalingon aron mamahimong regalo nga Pamasko. Hinay-hinay siya ninggama og cocoon ug gibalot iyang kaugalingon sulod niini. Sa tibuok oras, mahunahuna lamang ni Callie kung unsa niya gusto ihatag ang regalo niya kang Hesus.
Sa dili pa madugay, nakagawas na si Callie sa iyang cocoon. Diha niya nahibalo-an ang milagro sa Pasko. Dili na siya ang nag-inusarang hantatawo nga nakulong sa usa ka kweba. Bag-on binuhat na siya, usa ka alibangbang (butterfly) nga adunay pako nga giporma og kasing-kasing.
Sa paglupad ni Callie gawas sa kangitngit paingon sa kahayag, mipahiyom siya. Kabalo na siya na gipili niya ang maayong butang, ug nalipay si Hesus sa iyang regalo. Sa matag panahon na adunay nagalupad nga alibangbang sa kahanginan, gipahumduman kita nga ihatag ang atong kasing-kasing kang Hesus.
Katapusan.
